avatar
Untitled

Guest 9 4th Nov, 2019

MARKUP 1.85 KB
                                           
                         اخواني الثوار
اني واحد منكم اني صبا المهداوي اني ابو التكنك اني الحجية الي تخبز بفروع ساحة التحرير مو مهم تعرفون اسمي المهم تعرف نفسك انته
اريد اوضح نقطة عن ثورتنا
اخوان الي ديصير يوم بعد يوم هو انتصار للثورة وخطوة ليكدام
وين جنة قبل نكدر نحجي بهاي القوة والصلافة عن هاي الاصنام السياسية والخطوط الحمر ، اليوم كل الي ملو بطونهم من البوك وسوقو نفسهم علساس همة فد نمونة وقيادين اليوم همة جوة النعلان وميتبعهم الا المستفاد والي اله حصة من المالات
خلي صوتك قوي ولاتتصور انو الي دتسوي مابي فايدة او تخليهم يفهموك انو الوقت مو بصالحك وكلما تطول التظاهرات هو بصالحهم لا كلش غلط هالكلام
دتشوف هذا المنجنيق اليوم شديحجي وشلون ميعرف شيكول ذولي انتهو الشارع زاعهم محد ميريدهم حتة الي جابهم ودعمهم
اليوم شبابنا الهم الصوت العالي ..
اليوم نكعد بالشارع كدام الدبابة بحيث الي يسايقها يعرف انو الي كدامة اكبر من الموت فيخاف ويعرف انو مهما يسوي مراح يكدر يقمع هاي الارادة
الي دنشوفة الشباب ايد وحدة من كل انحاء العراق
الي دنعيشة هي الحرية حسو بطعمها استمتعوا بلذتها
واني متأكد الي يحس بهذا الشعور مراح يكدر يعيش جوة الظلم مرة ثانية
                      
                                       
To share this paste please copy this url and send to your friends
RAW Paste Data